Синоќа во Крива Паланка се комплетираше 12. коло од Втората футсал лига со мечот меѓу Осогово и Јуветус Серава кој заврши без победник, со шест погодоци за конечни 3:3.
Домашниот тим прв дојде до водство со голот на Кристијан Ристовски од шест метри во 3. минута од натпреварот, но пота веднаш Сами Аљиљи со два погодоци направи пресврт веќе во 5. минта од мечот на 1:2 за Јувентус Серава.
Пред крајот на првиот дел Михаил Павловски постигна гол за 2:2, па неизвесноста продолжи во вториот дел.
Во второто полувреме се случи нов пресврт, овој пат за домашниот тим кој во 26. минута дојде до водство од 3:2 со голот на Кристијан Станојковски, а девет минути подоцна Гезим Бакиевски постигна гол за конечни 3:3 и поделба на бодовите.
