Ракометарите на Охрид после поразот од шампионот Еурофарм Пелистер, во сабота во рамки на 19. коло ќе гостуваат во Скопје кај екипата на Пролет, каде ќе бараат враќање на победничките патеки.
Ракометарот на Охрид, Горан Крстевски вели дека натпреварот со Еурофарм Пелистер е веќе минато, сега фокусот е на мечот со Пролет.
„Треба да го заборавиме поразот од Пелистер бидејќи веќе во сабота не’ очекува гостување во Скопје кај екипата на Пролет. Наше е да се подготвиме и да одиграме добар натпревар за да стигнеме до нови бодови“, рече ракометарот на Охрид, Горан Крстевски.
Натпреварот се игра во спортската сала „Македонско сонце“ со почеток од 18 часот.
