Вечерва со еден натпревар беше отворено четвртфиналето од футсал Купот на Македонија, каде прволигашот Јувентус Серава со 11:2 го декласираше второлигашот Партизан Југ од Брвеница, со што прволигашот закажа полуфинале.
Фаворитската улога и домашниот терен го направија Јувентус Серава на овој меч да биде голем фаворит за триумф кој ќе значи следна фаза од Купот.
Хет-трик на натпреварот за домашниот состав постигнаа Армандо Алијевиќ и Ќендрим Абази, а пак по еден гол постигнаа Ведат Бајрами, Гезим Бакиевски, Енез Јусуфи, Осман Мустафа и Керим Мамуд.
За екипата од Брвеница двоен стрелец беше Тео Симњановски, со еден гол во првото и еден гол во второто полувреме.
Утре ќе се одиграат останатите три меча и ќе бидат познати сите полуфиналисти. Во Штип второлигашот Мал Ајакс ќе се соочи со прволигашот Осогово од Крива Паланка, второлигашко соочување на Балкан и Кратово и дерби на бранителот на Куп титулата Форца против Шкупи.
