Здружение на ракометни судии на Македонија објави втор повик за пријавување на нови ракометни судии, со цел проширување и подмладување на судиските редови во македонскиот ракомет.
Повикот е наменет за сите млади љубители на ракометот кои сакаат да останат дел од спортот, но во нова, одговорна улога – како судии на теренот. Ова е можност за оние кои имаат желба да го продолжат своето ракометно искуство и да придонесат во развојот на спортот од поинаква перспектива.
Според објавените критериуми, кандидатите треба да ги исполнуваат следните услови:
-
да се на возраст од 17 до 28 години
-
да играат или претходно да играле ракомет
-
да покажуваат интерес за судење и познавање на ракометните правила
-
да поседуваат одговорност, сериозност и дисциплина
-
да бидат подготвени за учење и континуирано напредување
Од Стручната комисија потенцираат дека судењето претставува важен сегмент од секој спорт, а особено во ракометот, каде брзината и динамиката бараат високо ниво на концентрација и знаење.
Сите заинтересирани кандидати треба да испратат кратка биографија (CV) на електронската адреса: strucna.komisija@gmail.com.
Повикот е отворен до 31 март 2026 година, што значи дека младите ракометари и љубители на спортот имаат уште неколку дена да ја искористат оваа можност.
„Остани во играта — преземи одговорност како судија“ е пораката со која од Здружение на ракометни судии на Македонија ги повикуваат сите заинтересирани да направат чекор напред и да станат дел од ракометната иднина на Македонија.
