Младата голманка Кристина Павлоска од битолски Топ Гол се пресели во Раднички Крагујевац од Србија, со што го направи првиот интернационален трансфер на 19-годишна возраст.
Павлоска важи за одлична, млада и талентирана голманка, а покрај за тимот на Топ Гол има настапувано и за Шкендија од Тетово, Истатов, прилепска Цевитана и Љуботен од каде и ја започнува својата кариера.
Екипата на Раднички Крагујевац во финишот на зимскиот преоден рок се одлучи да се засили со Павлоска, а македонската репрезентативка веќе се сели во Србија и ќе ги брани црвените бои на клубот во пролетната полусезона на женската Суперлига во Србија.
