Фудбалскиот клуб Тетекс го прославува својот 72 роденден, фудбалската гордост на Тетово ова сезона се натпреварува во Трета лига – Запад, каде е есенски шампион со амбиции за враќање во Втората македонска фудбалска лига.
Тетекс е оформен во далечната 1953 година тогаш под името ФК Текстилец, а основач на ФК Тетекс бил комбинатот Тетекс, па затоа се познати и под името „текстилци“ како и „штофари“.
Во пролетниот дел Тетекс ќе се бори со Влазерими за освојување на шампионската титула во Трета лига – Запад, а потоа преку баражот да обезбеди враќање во Втора лига, откако лани испадна од второлигашкото друштво.
Од клубот најавуваат повеќе енергија за предизвиците кои ги имаат и победнички моменти, за посветла иднина и враќање на клубот каде што припаѓа, а амбициите растат.
„Нека оваа значајна годишнина, 72 години постоење на Фк Тетекс, донесе уште повеќе енергија, нови предизвици и победнички моменти! Посакуваме здравје, радост и многу нови триумфи, како во фудбалот, така и во секој аспект од животот и конечно враќање на Тетекс таму каде што припаѓа! 72 години ФК Тетекс – нека традицијата продолжи, а амбициите растат“, велат од ФК Тетекс.
Пролетниот дел во Трета лига – Запад екипата на Тетекс го отвара веднаш со дерби против директниот конкурент за баражот екипата на Влазерими.
