Македонскиот прволигаш Истатов одигра нов пријателски меч во рамки на зимските подготовки за проверка на формата за пролетниот дел од сезоната во Првата женска фудбалска лига.
Истатовки денес триумфираа против екипата на Машинац, во пријателски меѓународен меч кој се одигра во Ниш, Србија, а кој Истатов го доби со 1:2.
Во првиот дел беа постигнати по еден погодок и на двете страни, за 1:1 на полувреме, а во вториот дел Истатов постигна уште еден погодок за 1:2.
Стрелци за Истатов беа Ана Нешковска и Кристина Петрушевска, со што се потврди дека враќањето на 24-годишната Петрушевска на фудбалските терени после операцијата на колото и паузата од 11 месеци е вистинско засилување за Истатов, таа се враќа во одлична форма и ги тресе мрежите на пријателски натпревари, што ќе биде силен адут за тимот на искусниот стратег Кирил Изов за пролетниот дел од сезоната, но најмногу и за Купот на Македонија, каде Истатов во рамки на четвртфиналето ќе се соочи со Скопје.
