Второто пролетно коло од Првата одбојкарска лига во машка конкуренција донесе голема победа за актуелниот освојувач на Купот на Македонија, екипата на Штип УГД која славеше против шампионот Струмица со 2:3 во сетови.
Во израмнет, неизвесен и атрактивен меч кој се одигра во спортската сала „Парк“ првиот сет заврши со 25:21 за струмичани, а пак вториот го добија штипјани со 17:25. Во третиот сет Струмица беше подобра со 25:22, а пак во четвртиот Штип УГД беше подобар со 16:25. Петтиот сет заврши 8:15 за штипјани, а тоа значеше конечни 2:3 во сетови во полза на штипскиот клуб.
Универзитет Тетово загуби од Борец со 2:3 во сетови (17:25, 25:19, 25:21, 14:25, 13:15), додека пак одбојкарите на Работнички со 3:0 славеа лесно над Шкендија (25:21, 25:11, 25:15).
Јанта Волеј се намачи против Македонија Џио и мечот го доби во пет сеа за 3:2 (25:15, 25:22, 24:26, 23:25, 15:6). Вардар на домашен терен беше поразен од Лирија со убедливи 0:3 во сетови (8:25, 17:25, 24:26).
Натпреварот меѓу Весна Пробиштип и Скопје не се доигра, откако домашниот тим одлучи да не го продолжи натпреварот, по спорна судиска одлука. Следува одлука на Комесарот за натпреварување.
