Екипата на Билјанини Извори која се натпреварува во Втората женска фудбалска лига за пролетната полусезона се засили со 24-годишната Драгана Гегова, која во охридскиот второлигаш доаѓа од редовите на прволигашот Скопје.
Се работи за искусна фудбалерка која ќе го подигне квалитетот во тимот од Охрид, кој во пролетниот дел ќе атакува на бараж за можен влез во Првата лига. Гегова во својата кариера има настапувано покрај за Скопје и за Шкендија од Тетово, Вардар, Истатов, велешки Борец и Тиверија Брера од Струмица од каде и ја започнува својата кариера.
Билјанини Извори е на третото место на табелата со 15 бодови на своето конто, само бод помалку од екипата на Вардар која е на второто место, а тоа ќе ветува голема борба на овие две екипи за второто место и баражот, со оглед на тоа што Кочани е на врвот со максимални 21 бод и во однос на квалитетот Кочани нема да има проблем да го потврди првото место и да се врати во фудбалската елита на Македонија во женска конкуренција.
Пролетниот дел од сезоната екипата на Билјанини Извори го отвара против Кочани на гостински терен.
