На стадионот „Билјанини Извори“ второлигашот Охрид и прволигашот Воска Спорт ја одиграа „генералката“ пред почетокот на пролетниот дел, меч кој заврши со минимален триумф за Охрид.
Стрелец на единствениот победнички гол за второлигашот беше Ерен Парталко, со тоа тимот предводен од младиот тренер Ромео Кочоски имаше успешна „генералка“ пред стартот на вториот дел од сезоната.
Охрид во пролетниот дел ќе биде во сосема нов лик, ќе настапува со локални играчи од Охрид и околината, како и со играчи од сопствените погони, бидејќи е во горниот дел од табелата не е загрозен оптанокот, а ова е шанса на младите играчи да се докажат, а истите се желни за резултати и докажување на теренот.
Од друга страна, прволигашот Воска Спорт ќе има навистина тежок предизвик да избори опстанок во Првата лига бидејќи е исто така во нов лик за вториот дел.
