Уште еден голем срам за општеството друго и нема што да се додаде, очигледно културата е на многу ниско ниво. Голем вандализам на стадионот во општина Карбинци каде настапувано истоимениот клуб во Трета лига – Исток.
Искршени прозорите од соблекувалните, искршени столчињата на трибината, уништена ограда.
ФК Карбинци е клуб кој е одлично организиран, кој после неколку години се реактивира и веќе неколку сезони се натпреварува и во Купот на Македонија, можеби резултатски Карбинци не може да се покаже во одлично светло, но и тек како се покажува како одличен домаќин и организатор на натпреварот против прволигаши како Воска Спорт од Охрид и кратовски Силекс.
За овој голем вандализам клубот реагираше со соопштение, но повеќе од јасно е дека ова е голем срам за нашето општество.
„Деновиве сите говориме за тоа како децата стануваат хулигани, криминалци, вандали и сите се согласуваме дека тоа не се случува така, одеднаш. Од најнаивните работи, од односот кон општественото добро, од домашното невоспитување, може да се стигне до несакани појави. И децата или личностите кои нашле за интересно да ги искршат прозорците на соблекувалните на стадионот на ОФК Карбинци, и тие кои ги кршат столчињата на трибините се нечии деца и тие кои ја уништуваат оградата за да им минува стоката таму кај што не треба и тие се пак нечии родители. Срамотно и тажно, рушење на се што е нормално и морално однесување“, се вели во соопштението на ФК Карбинци.
Ова е жално и тажно, нешто што е направено како спортски терен, каде треба да се ужива во фудбалските натпревари, каде токму младите треба да тренираат, спортуваат и да се градат и во добри личности, бидејќи спортот ги гради спортистите во вистински личности со карактер.
