Екипата на Кадица која се натпреварува во Општинската фудбалска лига во Прилеп или Четврта лига по ранг на натпреварување за пролетната полусезона се засили со повратникот Бобан Крстески.
Се работи за играч кој во Кадиница доаѓа од редовите на третолигашот Младост од Кривогаштани.
32-годишниот Крстески низ својата кариера има настапувано и за Обршани, Победа Ивањевци, Напредок Крушеани, Големо Коњари, Победа, прволигашот Силекс и 11-ти октомври од Прилеп.
Екипата на Кадица има шест од шест во Општинската лига во Прилеп или Четврта лига по ранг на натпреварување и има за цел да избори влез во Трета лига – Југ, за што се засилува со искусни играчи.
Пролетниот дел екипата на Кадица го отвара против некогашниот третолигаш Напредок Крушеани.
