Овој викенд започнува пролетната полусезона во ракометната Суперлига на Македонија со натпреварите од 17. коло. Остануваат уште шест кола да бидат одиграни за комплетирање на регуларниот дел, по што ќе се формира плеј-оф и плеј-аут сегментот.
Во рамки на првото пролетно коло „фенерџијата“ Радовиш кој е единствен тим без триумф ќе има тешко гостување во Кавадарци кај големиот фаворит Тиквеш, лидерот Алкалоид предводен од Кирил Лазаров како голем фаворит ќе игра против екипата на Струга.
Охрид како голем фаворит ќе патува во Велес каде ќе се соочи со дебитантот Бисинов, екипата на Пролет вториот дел од сезоната го отвара против поранешниот двократен европски шампион Вардар. Неизвесен меч ќе има меѓу Прилеп и Бутел, а пак шампионот Еурофарм Пелистер како фаворит ќе го пречека тимот на Куманово.
Сигурни патници во плеј-офот се екипите на Алкалоид, Еурофарм Пелистер, Вардар и Охрид, додека пак четири екипи ќе водат борба за последните две места во плеј-офот, тоа се Бутел, Тиквеш, Прилеп и Пролет, две од овие екипи кои ќе извисат ќе бидат дел од плеј-аутот каде што ќе бидат и Куманово, Бисинов, Струга и Радовиш, а каде ќе разигруваат за опстанок.
Оваа сезона ќе биде доста неизвесна кога е во прашање титулата, три екипи рамноправно водат борба за титулата, тоа се актуелниот шампион Еурофарм Пелистер, Алкалоид и Вардар, а пак Охрид ќе биде тимот кој може да се покажа како клучен и практично да реши кој да биде шампион.
