Второлигашот Башкими за пролетниот дел од сезоната се засили со искусниот Фахрудин Ѓурѓевиќ кој во кумановскиот второлигаш доаѓа од редовите на прволигашот Гостивар.
Се работи за 32-годишен фудбалер кој има големо искуство настапувајќи за екипите на Вардар, Македонија ЃП, Звијезда Градачац, Варнсдорф, Храдец Кралове, Работнички, Влазнија и последно Гостивар.
Со своето големо прволигашко, но и меѓународно искуство Ѓурѓевиќ ќе биде капитално засилување за тимот на Баже Јанакиевски за пролетниот дел, каде тимот на Башкими ќе води борба за првите две места кои водат директно кон Прва лига.
Пролетната полусезона екипата на Башкими ја отвара на домашен терен против Борец од Велес.
