Екипата на Башкими која во пролетниот дел ќе води борба за директен влез во Првата лига промовираше два нови играчи. Станува збор за Егзон Азири и Аган Алиу.
Второлигашот Башкими за пролетниот дел од сезоната каде ќе води борба за влез во Првата македонска фудбалска лига, што е главна цел на тимот се засили со два нови играчи.
Се работи за 28-годишниот Егзон Азири и 18-годишниот Аган Алиу.
28-годишниот Азири е всушност повратник во редовите на Башкими, тој ќе биде големо засилување за тимот од Куманово, а има и меѓународно искуство. На домашната сцена настапуваше за Беса од Дбори Дол, Вардар Форино, Кораби од Дебар, Гоблен и Милано, а во странство настапуваше за екипи во Белгија и Германија.
Алиу има 18 години, тој е млад и талентиран играч кој ќе биде вистинско освежување за тимот на Баже Јанакиевски. Последните шест месеци Алиу ги помина со настап во Хрватска, а потекнува од Шкупи.
Башкими презимува на третото место на табелата со само еден бод негатива во однос на Брегалница која е втора, а целта на Башкими е директен влез во Првата лига, пролетниот дел го отвара против Борец на домашен терен.
