Велешки Борец за пролетната полусезона во Втората лига се засили со искусниот Стојан Стојчевки, кој во Велес пристигна од редовите на третолигашот Еуромилк ГЛ. Иако, првично Стојчевски беше промовиран како ново засилување во Арсими пред околу месец дена, сепак се случија промени и тој сега е претставен како ново засилување во Борец.
Во својата кариера 32-годишниот фудбалер има настапувано за Воска Спорт, Гостивар, Силекс, Македонија ЃП, Брегалница, Работнички, Брера Струмица, Тетекс, Вардар, Хоризонт Турново и Скопје. Со своето големо прволигашко засилување Стојчевски ќе треба да му помогне на Борец да ја оствари целта, опстанок во Втората лига.
Пролетнот дел од сезоната екипата на Борец го отвара на гостување кај фаворитот Башкими.
