Второлигашите Арсими и Борец денес одиграа пријателски меч кој заврши без победник со шест гола за конечни 3:3. Стрелци за тимот на Арсими од Чегранеа беа Цуцули и новите засилувања Таипи и Белули. За екипата на Борец погодија Хајдари, Хасан и Ристовски.
Арсими во пролетниот дел влегува во атак за местата кои водат кон Првата лига, но Борец ќе има сосема друга цел, а тоа е опстанок во Втората лига.
Пролетниот дел од Втората лига кој ќе биде отворен на 15. февруари Арсими го отвара во Струмица против Беласица, а пак Борец ќе гостува кај Башкими.
