Третолигашот Слога Виница ги започна подготовките за пролетната полусезона каде амбициозниот клуб од Виница сака потврда на првото место и со тоа обезбедување на баражот за враќање во Втората лига.
Тимот предводен од штипскиот стратег Емил Грнев првата фаза од подготовките ќе ја одработи во Виница, а потоа тимот ќе се „пресели“ во Дојран, каде ќе одиграни и неколку пријателски натпревари, за што инфорамираше Спортска Мрежа. Во Дојран, тимот ќе се подготвува од 27. јануари до 3. февруари.
Тимот е квалитетни засилен со Иван Настевски, Тони Мирчевски, Дарко Стојанов, Филип Николовски, Љупче Христовски и голманот Антонио Столевски, а тимот води преговори за уште две до три засилувања.
Во однос на пријателските натпревари екипата ќе се тестира со Каменица Саса, Кожуф, Вардар Неготино, Осогово и Тетекс.
Слога Виница е есенски шампион во Трета лига – Исток, има седум бодови повеќе во однос на второпласираниот Овче Поле од Свети Николе.
