Беласица денес ги започнува подготовките за пролетната полусезона во Втората македонска фудбалска лига, шефот на стручниот штаб, Александар Стојанов, денес го има првиот собир со фудбалерите во Новата 2025 година.
Како што веќе објави прва најави Спортска Мрежа, во Беласица се враќа Александар Коцев, а доаѓа и Александар Богданоски од Кожуф, двајцата играчи денес ќе бидат и официјално промовирани во редовите на Беласица.
Стојанов го има утврдено планот за подготовки на екипата, а како што веќе објавивме, утврдени се и пријателски натпревари преку кои струмичката фудбалска гордост ќе ја темпира формата за пролетниот дел. Беласица на 17. јануари ќе го одигра првиот пријателски меч против тетовска Шкендија, на 22. јануари ќе игра против Вардар Неготино, три дена подоцна со Детонит Плачковица.
На 28. јануари ќе следува меѓународен меч со Струмска Слава од Бугарија, на 1. февруари против Кожуф, а пак „генералката“ ќе биде против Септември Симитли, меѓународен меч со екипата од Бугарија.
Пролетната полусезона Беласица ја отвара на домашен терен против Арсими.
