Второлигашот Башкими од Куманово во последниот дел од 2024 година го промовираше Филип Алексовски како ново зимско засилување.
Тимот на Башкими во пролетниот дел ќе атакува на освојување на првите две места кои водат кон Првата лига, а есенскиот дел го заврши на 3. место со само бод помалку од второпласираната Брегалница.
24-годишното десно крило во Башкими доаѓа од редовите на прволигашот Беса од Добри Дол, а во својата кариера има настапувано и за Македонија ЃП и Кораби од Дебар.
Алексовски ги има поминато репрезентациите на Македонија до 18 и 21 година, а во својата кариера и двапати го има освоено Купот на Македонија.
Претходно, како што веќе информираше Спортска Мрежа екипата на Башкими се засили со Аљбан Мемеди и голманот Амир Јашар.
