Амбициозниот третолигаш Слога Виница во последниот ден од 2024 година направи уште еден голем трансфер, Дарко Стојанов е нов играч во тимот предводен од штипскиот стратег Емил Грнев.
34-годишниот стратег во Виница доаѓа од редовите на радовишкиот второлигаш Детонит Плачковица, а во својата кариера има настапувано и за Гостивар, Вардар, Брегалница ,Ренова, Борец, Хоризонт Турново, Беласица, Маџари Солидарност и Дунав Русе од Бугарија, па Стојанов со своето прволигашко и меѓународно искуство ќе биде столб во одбраната и еден од носителите во играта на Слога Виница за пролетниот дел.
Екипата на Слога Виница е есенски шампион во Трета лига – Исток, тука работата речиси и е завршена, со ваков тим Слога Виница само ќе се прошета и ќе ги наполни мрежите на противниците, па веќе фокусот е ставен на баражот за влез во Втора лига.
Претходно, Слога Виница се засили со Иван Настевски и Тони Мирчевски кои во пакет пристигнаа од Детонит Плачковица, со Филип Николовски од Каменица Саса и со Љупче Христовски од Беласица.
