Во недела ќе се одиграат натпреварите од 19. коло во Првата женска фудбалска лига. Фудбалската федерација на Македонија (ФФМ) ги делегираше судиите кои ќе ја делат правдата на истите.
Лидерот Скопје на домашен терен ќе се соочи со Ас Јунајтед, а Никола Петковски ќе биде главен судија на овој дуел кој се игра во Пржино. Негови помошници ќе бидат Елена Соклеска Илиевски и Тамара Цветановиќ. Контролор на мечот кој ќе започне во 15:30 часот ќе биде Бурханедин Салихи.
Во Струмица ќе се одигра мечот меѓу Тиверија Брера и Вардар, а овде главен арбитар ќе биде Виолета Јанчева, асистенти ќе бидат Иван Танев и Стефан Митро, а Сашо Иванов ќе биде контролор. Мечот стартува во 12 часот.
Истатов како фаворит на домашен терен ќе игра против Речица, а Ирена Велевачкоска ќе ја дели правдата со Ангела Домазетовска и Радмила Неркова како асистенти. Горан Ангелески ќе биде контролор, а стартот е закажан за 11:30 часот.
Во Тетово ќе се игра мечот меѓу Љуботен и Кочани, а Ненад Тодоровски ќе биде главен судија. Помошници ќе бидат Александар Николоски и Цветанка Савеска, а Марјан Кировски контролор. Почетокот на натпреварот е во 15 часот.
Мечот меѓу Каменица Саса и Топ Гол ќе го суди Александра Спасова, а асистенти ќе бидат Роберт Црвенов и Дејан Стоиков. Винко Смокварски ќе биде контролор на мечот кој стартува во 13 часот.
