Младост в сабота го игра првиот домашен меч во Супер лигата против Прилеп, а салата „Млаз“ се очекува да биде исполнета до последното седиште и атмосферата да биде повеќе од „пеколна“.
Спортска Мрежа веќе пишуваше за трите клучни причини поради кои треба да бидете во салата и да го следите натпреварот меѓу Младост и Прилеп.
Три причини зошто во сабота треба да бидете во салата „Млаз“ во Богданци
Сепак, за сите оние кои ќе сакаат да го следат во живо натпреварот, клубот информираше за новиот режим за влез во салата.
За сите оние кои имаат сезонска и дневна карта, во сала ќе можат да влезат само од главен влез односно северна страна на салата. Сите оние кои имаат ВИП карта во сала ќе можат да влезат само преку службен влез 2, кој е лоциран на западна страна од сала.
Дополнително од клубот информираат дека строго ќе биде забрането внесување секаков вид на пијалоци во шишиња, лименки, и метални предмети, и истите при контрола на обезбедувањето ќе бидат одземени. Во салата во лоби просторот ќе има отворен шанк, за точење на освежителен пијалок во чаша.
Од клубот апелираат сите да се водат според протоколот.
