Александар Таневски вчера беше именуван за нов селектор на македонската репрезентација до 21 година, кој доаѓа како наследник на Горан Станиќ.
Таневски досега како селектор работеше со репрезентацијата на Македонија до 20 години, а како стратег ги водеше и Македонија ЃП, Брера Струмица и Беса од Добри Дол.
Откако Таневски беше именуван за нов селектор, тој истакна дека со голема чест и одговорност ја прифаќа довербата да ја води репрезентацијата на Македонија до 21 година.
„Со голема чест и одговорност ја прифаќам довербата да ја водам У-21 репрезентацијата на Македонија. Благодарност до Фудбалската Федерација на Македонија и до сите кои веруваат во мене. Македонија е една и единствена. За неа секогаш ќе даваме сè од себе, со срце и гордост“, вели селекторот Александар Таневски.
Пред Таневски сега е нов предизвик, овој пат како селектор на репрезентацијата на Македонија до 21 година.
