Младост се врати во Суперлигата, а по ремито 30:30 против Бутел во Скопје, во сабота од 19:30 часот го игра првиот домашен натпревар против Прилеп.
Ако се двоумите дали да бидете во салата „Млаз“, еве три добри причини:
- РЕКОНСТРУИРАНА САЛА „МЛАЗ“
Спортската сала „Млаз“ доби ново ракометно руво! Комплетно се реновирани соблекувалните, саниран е подот, уредени се влезовите и трибината, а повторно е ставен во функција и стариот влез за посетителите.
За сите оние кои имаат сезонска и дневна карта, во сала ќе можат да влезат само од Главен влез (северна страна на салата). Сите оние кои имаат ВИП карта во сала ќе можат да влезат само преку службен Влез 2 (западна страна од сала).
Во холот ќе ве очекува шанк со освежителни пијалаци, а посебно внимание привлекува галеријата на РК Младост и ЖРК Млаз.
Таму ќе можете да ги видите пехарите, фотографиите и дел од историјата на двата клуба, кои во минатото го претставуваа Богданци и на европската ракометна сцена. Идеална шанса да се запознаете со историјата на клубот.
- АТМОСФЕРАТА ВО „МЛАЗ“ Е ПОСЕБНА!
Кој првпат ќе дојде во Богданци, ќе види зошто салата „Млаз“ со години важи за една од најжешките ракометни арени.
Полна сала, верна публика и „Фалангите“ на трибините.
Младост во минатото ја градеше репутацијата на вистинска домашна тврдина, место каде што гостите тешко освојуваа бодови, а сега повратникот во елитата сака повторно да ја врати таа атмосфера.
Кој ќе победеше во „Млаз“ стануваше шампион на Македонија – во салата во Богданци се решаваа шампионите на Македонија.
- ЕЛИТЕН РАКОМЕТ ВО БОГДАНЦИ!
Во Богданци повторно ќе се игра и гледа суперлигашки ракомет, Младост е во елитата, Младост го враќа сјајот на минатото, а многумина од поранешните ракометари, тренери, навивачи ќе се присетат на славното минатото на клубот и настапите во Европа.
Дополнително, навивачите имаат можност да купат и сезонска карта и да ги следат сите домашни натпревари на Младост во текот на сезоната.
Југоистокот повторно живее за ракометот! Младост е единствениот суперлигаш не само од Југоистокот, туку и од целиот Исток на Македонија.
📍 Сала „Млаз“, Богданци
🗓️ Сабота
⏰ 19:30 часот
🤾♂️ Младост – Прилеп
