Меѓународниот боречки турнир „President Cup“ денеска започнува во Белград, Србија, а на престижниот натпревар ќе настапат повеќе од 200 борачи од различни клубови.
Меѓу учесниците ќе биде и БК Бучим Радовиш, кој на турнирот ќе биде претставен со тројца свои борачи. За радовишкиот клуб ќе настапат Изабела Зајков, Мехмет Усеинов и Димитар Атанасов, кои ќе имаат можност да ги одмерат силите со квалитетна меѓународна конкуренција.
Тимот на Бучим Радовиш во Белград е предводен од тренерите Владо Лазаров и Методија Зајков, кои ќе бидат покрај своите борачи во текот на турнирот.
Учеството на ваков меѓународен турнир претставува значајно искуство за младите борачи од Радовиш и можност за дополнителен напредок преку силни натпревари со противници од регионот.
Од БК Бучим Радовиш им посакуваат успешен настап на своите претставници, добри борби и што подобри резултати на „President Cup“ во Белград.
