Со два дуели на лански прволигаши се затвори четвртото коло на Втората македонска фудбалска лига.
Во Новаци се играше дербито меѓу Пелистер и Работнички каде битолчани со сигурни 2:0 славеа втора сезонска победа.
Резултатот го отвори Симеон Христов во 4. минута за водство од почетни 1:0, а потоа Мартин Мирчевски во 30. минута погоди за двојна предност од 2:0.
Во Струмица се играше дербито меѓу Брера и Македонија ЃП, а исходот беше минимално славје за домаќините од 1:0 со што трите бодови останаа дома. Стрелец на единствениот победнички гол беше Давид Ристовски, кој погоди рано уште во 13. минута од средбата.
Извештајот на Спортска Мрежа за вчерашните натпревари можете да го прочитате овде.
