Македонската машка сениорска кошаркарска репрезентација испиша нова страница во својата историја.
Серијата започна на 20 август 2025 година со победата над Унгарија (82:75), а продолжи во претквалификациите за Евробаскет 2029. Македонија ја заврши првата фаза со максимални 6-0, а победничкиот ритам продолжи и во втората фаза со убедливата победа над Австрија во Виена (91:59).
Со тоа стигнавме до бројката од 8 натпревари – 8 победи, без пораз.
Според архивата на ФИБА, ова е најдолгата серија на последователни официјални победи на македонската машка сениорска репрезентација од осамостојувањето во 1991 година.
Овие осум победи имаат посебна тежина бидејќи се остварени во различни репрезентативни прозорци, на домашен и гостински терен, со различни состави и предизвици.
Ова не е само бројка. Ова е доказ за континуитет, доверба и победнички менталитет.
Македонската кошарка има славни генерации и историски резултати, но оваа генерација ја пишува својата приказна.
