Штипскиот прволигаш Брегалница поднесе барање до Фудбалската федерација на Македониј (ФФМ) за одложување на мечот од 8. коло против Скопје, меч кој треба да се одигра на Градскиот стадион во Штип.
Причината поради која „сините“ бараат одложување на натпреварот кој треба да се одигра на 19 септември е одржување на традиционалната манифестација „Пастрмалијада“.
„Раководството на клубот поднесе барање до Фудбалската федерација на Македонија за одложување, односно преместување на термин за мечот од 8.коло од ПМФЛ против ФК Скопје на домашен терен, кој првично треба да се одигра на 19 септември, датум на кој на градскиот стадион ќе се одржи манифестацијата „Пастрмалијада“. Јавноста ќе биде благовремено известена за датумот на одигрување на мечот против ФК Скопје“, велат од клубот.
Останува одлуката на ФФМ дали овој меч ќе се одложи и за кој датум.
