Освојувачот на футсал Купот на Македонија, Форца, со 4:6 синоќа славеше триумф над Бутел и со тоа обезбеди четвртфинале и го продолжува патот за одбрана на Куп титулата.
Натпревар каде Бутел одлично парираше, а имаше и минимална предност од 1:0 на полувреме откако гол постигна Филип Јаневски во 11. минута од мечот. Во вториот дел Бутел постигна и два брзи гола за 3:0, откако втор гол постигна Јаневски, а гол даде и Давид Маџунковски.
Фаворитот Форца веднаш реагираше и за кратко време ја наполни мрежата на Бутел за комплетен пресврт на резултат од 3:6, откако Таулант Исмаили постигна два гола, а пак Берат Рамадани хет-три за четири минути, а стрелец на еден гол беше и Јасир Зекири, со што потврди дека квалитетот е голем, а Форца и без многу мака лесно стигна до комплетен пресврт.
Во финишот на мечот Манџунковски со гол во финишот ги постави конечните 4:6.
ВЕЧЕРВА ВО 21 ЧАСОТ НА YOUTUBE НА СПОРТСКА МРЕЖА – ЕДНА МИНУТА СПОРТСКИ ВЕСТИ
Црвен картон во 27. минута од мечот заработи претставникот на Бутел, Давор Калиноски, поради неспортско однесување, како што е заведено во официјалниот записник од мечот.
Досега четвртфинале обезбедија Балкан, Шкупи и Кратово, како и освојувачот Форца, денес и утре ќе ги добиеме сите патници за четвртфиналето.
