Избраниците на селекторот Ѓоко Динески се вратија дома со солидни резултати. Изминатиов викенд беа на натпревари од ИБУ Јуниор куп во Реднаун, Италија и Гомс, Швајцарија. Натпреварувачите Петар Гиноски (16 години), Благоја Најденоски (18 години) и Тео Петрушу (17 години) постигнаа солидни резултати во силната конкуренција.
На трката 10 км спринт (се пука лежечки и стоечки, се пука со по 5 куршуми, за секој промашен се трча казнет круг од 150м), најдобар резултат беше на Тео Петрушу 79. место од 114 натпреварувачи од 32 нации во светот. Додека Петар Гиноски беше 88. место , а Благоја Најденоски 92. место.
Селекторот Ѓоко Динески е задоволен од сработено во изјавата за Спортска Мрежа додава дека има голем напредок, но и голем потенцијал на овие млади спортисти.
„Задоволен сум од сработеното, припремите ги искористивме на најдобар можен начин за подигнување на формата. Имаме голем напредок но и голем потенцијал на овие млади спортисти, работиме доста напорно и по новогодишните празници не очекуваат нови натпревари на ИБУ Куп во Банско, Бугарија, Полска и Германија. Биатлонот е специфичен спорт кој бара подеднакво да си добар стрелец и да поседуваш високи спортски и фунционални перформанси. Се надеваме на уште подобри резултати во иднина. Овие млади надежи ветуваат многу и наскоро ќе покажат уште подобри резултати“, вели селекторот Ѓоко Динески за Спортска Мрежа.
Веднаш по новогодишните празници следуваат нови предизвици односно натпревари на ИБУ Куп во Бугарија, потоа Полска и Германија.
Виолета Јанчева за Спортска Мрежа
