Вечерва и второлигашот Балкан обезбеди следна фаза од футсал Купот на Македонија, односно се чекираше во четвртфиналето, откако преку пенал рулетот го исфрли прволигашот Кеги Моби од Велес.
Регуларниот дел заврши без победник со по четири гола на двете страни (4:4). Пајтим Реџепи, Фетим Балиќи, Џењал Мјаку и Ибрахими Алији беа стрелци за домашниот тим, додека пак за велешкиот тим Александар Божинов беше двоен стрелец, а по еден гол постигнаа Адил Адиловиќ и Александар Костов.
Во пенал серијата екипата на Балкан беше подобра со 4:3 и со тоа патува во четвртфиналето од Купот. Колку за потсетување екипата на Балкан има амбиции за влез во Првата лига и како што веќе информиарше Спортска Мрежа тимот промовираше квалитетни засилувања за таа цел.
- ЕДНА МИНУТА СПОРТСКИ ВЕСТИ НА СПОРТСКА МРЕЖА 21.12.2024
Со овој триумф екипата на Балкан уште еднаш ги потврдува своите високи цели, но воедно и потврдува дека има квалитет за пролетната борба за освојување на првите две места во Втората лига кои директно водат кон Прва лига.
