Третолигашот Ударник триумфираше со 2:0 на пријателскиот натпревар против новиот третолигашот Победа од неготинско Пепелиште, во меч кој се одигра во Пирава.
До овој триумф Ударник стигна преку погодоците на Славе Ризов и Благој Тодоров, а резултатот беше во втор план бидејќи шанса добиваа сите фудбалери, а тимот од Пирава имаше уште неколку чисти шанси кои не ги претвори во гол.
Според информациите на Спортска Мрежа задржан е комплетниот состав од претходната сезона, а Ударник дополнително е засилен со младиот Христијан Ризов кој доаѓа од Победа Валандово, Стефан Димов од ланскиот второлигаш Вардар Неготино и Адријан Трајков од Тиквеш.
Целта на третолигашот од Пирава ќе биде да прикажат доплива игра за верната публика, а притоа да бидат отскочна даска за младите играчи, дополнувајќи дека целат одново да бидат најфер-плеј екипа како и минатата сезона.
Ударник ќе се натпреварува во Трета лига регион 3, а пак Победа од Пепелиште во Трета лига регион 4.
