Заврши Меморијалниот турнир „Алмир Ибески – Алмо 2026“, кој се одржа во прилепското село Дебреште, а победничкиот трофеј го освои екипата на БХС Груп Саждево.
Во натпреварот за третото место, Сталоне Теута Саздево славеше со 4-3 над Лисичани во уште еден интересен и ефикасен дуел, со што го обезбеди третото место на турнирот.
Големото финале меѓу БХС Груп Саздево и Пилана Жарко донесе вистинска неизвесност. По регуларниот дел резултатот беше 1-1, па победникот мораше да се решава преку пенал-серијата.
Во пенал-драмата повеќе концентрација покажаа фудбалерите на БХС Груп Саздево, кои славеа со 4-3 на пенали и заслужено го подигнаа трофејот на овогодишното издание на „Алмо“.
Конечен пласман:
🥇 1. БХС Груп Саждево
🥈 2. Пилана Жарко
🥉 3. Сталоне Теута Саждево
🏅 4. Лисичани
На индивидуалните награди, признанието за најдобар играч му припадна на Соте Андрески, додека за најдобар голман беше прогласен Давор Илиоски.
Меморијалниот турнир „Алмир Ибески – Алмо“ и оваа година донесе одлична атмосфера, неизвесни натпревари и голема посветеност на учесниците, во чест на Алмир Ибески.
Спортска Мрежа беше медиумски покровител на турнирот, следејќи ги случувањата од Дебреште и известувајќи за натпреварите и завршницата на „Алмо 2026“.
