Прволигашот Вардар денес ја отвара новата сезона во Првата женска фудбалска лига во скопска пресметка против Истатов.
Раководството на Вардар ги промовираше Мила Стојановска, Џенита Кицара, голманката Тина Туџарска и Зорица Бојкова, а ја продолжи соработката со Амире Азизи и Александра Јовановска.
Стојановска доаѓа од второлигашот Слободен кој повеќе нема да се натпреварува, низ кариера 18-годишната фудбалерка настапуваше и за Истатов и Скопје.
Кицара во Вардар доаѓа од Кочани и всушност се враќа во дресот на Вардар, а 21-годишната фудбалерка го носеше дресот и на Шкендија, Скопје и Борец од каде и ја започна кариерата.
19-годишната Туџарска во Вардар доаѓа од Вардар, која претходно беше дел и од Истатов и Џи-Џи од каде и ја започна кариерата.
Бојкова која има 20 години во Вардар пристигна од Борец, а беше дел и од Билјанини Извори, Плачковица, Цевитана и Тиверија Брера од каде и ја започна кариерата.
