Најискусните македонски одбојкарски судии со значка на ЦЕВ, Влатко Ристовски и Јосип Христов, ќе бидат дел од официјалните лица на 20. Медитерански игри, кои ќе се одржат од 21 август до 3 септември во Таранто, Италија.
Ристовски и Христов се меѓу судиите кои ќе ја делат правдата на машкиот и женскиот одбојкарски турнир. Македонија на Игрите ќе има свој претставник само во женска конкуренција.
Нивната номинација за Медитеранските игри е уште едно признание за успешната меѓународна сезона. Влатко Ристовски годинава беше делегиран на шест натпревари во европските купови на ЦЕВ, а ја имаше и улогата на прв судија на полуфинален натпревар од машкиот Челинџ куп.
Од друга страна, Јосип Христов зад себе има одлична сезона на меѓународната сцена. Покрај судењето на полуфинале во натпреварување под капата на ЦЕВ, ова лето беше ангажиран и во натпреварите од Европската лига 2026.
