Осминафиналето на турнирот во мал фудбал „Ораовица 2026“ тргна доста ефикасно, откако вечерва на четири натпревари беа постигнати голем број на погодоци.
ФАФА Транспорт воопшто не се намачи и со 6:1 го декласираше тимот на Серта Конче за пласман во следната фаза, а потоа Црна Река со „петарда“ го „разнесе“ тимот на Интерпласт славејќи со 5:0.
Следуваше уште една сигурна победа овој пат од 3:0 откако тимот на Леон Транспорт го доби Оливер Промет, а пак играчите на Стиф Компани воопшто и не се испотија за пласман во четвртфиналето откако со 6:1 покажаа моќ за славје над Даниел Инженеринг, со што „лалињата“ ги фати „летен мраз“.
Спортска Мрежа и годинава е медиумски покровител на овој спортски настан.
