Женскиот одбојкарски клуб Пелистер Волеј продолжува да го гради тимот за новата натпреварувачка сезона, а раководството обезбеди продолжување на соработката со младата одбојкарка Мила Андоновска, која и во сезоната 2026/27 ќе го носи дресот на битолскиот клуб.
Андоновска е производ на школата на Пелистер Волеј и беше дел од сребрената кадетска генерација која минатата сезона оствари одличен резултат. Во клубот веруваат дека токму ваквите млади одбојкарки се темелот врз кој ќе се гради иднината на екипата.
Од Пелистер Волеј истакнуваат дека остануваат посветени на континуирано вложување во развојот на домашните таленти, а Мила Андоновска е еден од најдобрите примери за успешната работа на клубската школа.
Во битолскиот клуб очекуваат Андоновска од сезона во сезона дополнително да напредува и да има сè позначајна улога во првиот тим, продолжувајќи го патот на младите одбојкарки кои израснуваат токму во редовите на Пелистер Волеј.
