Сѐ е подготвено за стартот на јубилејното 10. издание на турнирот во мал фудбал „Ораовица 2026“, откако организаторите ги објавија групите и распоредот за првиот натпреварувачки ден. На овогодинешниот турнир ќе настапат 20 екипи, поделени во четири групи со по пет тима, а и ова лето се очекуваат квалитетни и неизвесни натпревари.
Во Групата А ќе се натпреваруваат Црна Река, Фенербахче, Вила Клепало, Изведен и Оливер Промет.
Групата Б ја сочинуваат Леон Транспорт, Слога Злеово, Трето полувреме, Јаков и Такси ЗЦ и Интер Пласт.
Во Групата Ц се Фреигхт Оне, Ефенџан Мечо, Ал-Макс, Серта Конче и Стиф Компани.
Во Групата Д ќе играат Даниел Инженеринг, Вергови, Фафа Транспорт, Гринс Ресторан и Мена Транс.
Познат е и распоредот за првиот натпреварувачки ден. Утре, четврток (16 јули), ќе бидат одиграни два натпревари, додека свеченото отворање на турнирот е закажано за 20:45 часот.
Први на терен ќе излезат екипите на Оливер Промет и Фенербахче, кои ќе се соочат од 21:00 часот, а еден час подоцна ќе следува дуелот меѓу Стиф Компани и Ефенџан Мечо.
И оваа година Спортска Мрежа ќе биде медиумски покровител на турнирот, па љубителите на малиот фудбал, навивачи и поддржувачи секоја вечер ќе можат да ги следат резултатите од натпреварите, како и атмосферата преку видеа и фотографии од спортскиот спектакл во Ораовица.
