Прволигашот Арсими од Чегране продолжува со засилувањата за новата сезона, а најново име кое доаѓа во „жолто-црното“ семејство е дефанзивецот Фисник Зука, кој доаѓа од редовите на Башкими од Куманово.
Се работи за 30-годишен фудбалер кој покрај за Башкими настапуваше и за Гостивар, Македонија ЃП, Ренова и Шкупи, а меѓународна кариера градеше во Албанија настапувајќи за Фламуртари.
„30-годишниот фудбалер потпиша едногодишен договор со жолто-црните, одлучувајќи да го облече овој дрес и покрај бројните понуди што ги имаше во летниот преоден рок. За нашиот тим ќе биде дополнително оружје како на теренот, така и надвор од него, благодарение на неговото богато искуство и силен карактер“, велат од клубот.
Во Првата македонска фудбалска лига има 236 натпревари, а во Купот бележи еден меч.
