Второлигашот Новаци продолжува активни да се засилува за новата сезона, а најново име во тимот на Иван Варадиновски е 19-годшниот Андреј Сиљаноски, кој доаѓа од редовите на Пелистер.
Сиљаноски е повратник во Новаци, откако го носеше дресот на овој клуб во период од септември 2025 до јуни 2026 година. Потекнува од Форца Спорт каде настапуваше три години.
Новаци претходно се засили со Кирил Стојков и Петар Гугуљанов кои во пакет пристигнаа од Кожуф. Новата сезона која започнува на 25 август екипата на Новаци ја отвара против Охрид во гости.
