Второлигашот Кожуф продолжува да го засилува играчкиот кадар за новата сезона, а најново засилување е искусниот напаѓач Сашо Дуков, кој по една сезона повторно се враќа во таборот на гевгелискиот клуб.
Триесет и едногодишниот голгетер минатата сезона го носеше дресот на Детонит Плачковица, каде беше прв стрелец на радовишкиот состав со 14 постигнати голови и беше еден од најзаслужните за добрите резултати на тимот.
Дуков веќе добро ја познава средината во Гевгелија, бидејќи дресот на Кожув го носеше шест месеци, во периодот од јануари до јули 2025 година, пред да направи трансфер во Детонит Плачковица. Сега повторно се враќа во второлигашот со цел да биде еден од главните адути во нападот.
Искусниот фудбалер со години важи за еден од најдобрите стрелци во Втората македонска фудбалска лига. Пред настапот за Детонит Плачковица беше најдобар стрелец на Кожуф, а претходно со своите голови му помогна и на тимот на Каменица Саса да обезбеди опстанок. Пред две сезони постигна вкупно 14 голови, настапувајќи во есенскиот дел за Охрид, а во пролетниот за Кожуф.
Во својата богата кариера Дуков настапуваше и за Силекс, Пелистер, Росоман, Вардар Неготино, Тиквеш, Напредок од Кичево, Охрид и Каменица Саса, а има и интернационално искуство стекнато во Србија.
Со враќањето на искусниот голгетер, Кожув добива проверен напаѓач и значително засилување во офанзивниот дел од тимот, во пресрет на новата сезона во Втората македонска фудбалска лига.
