Брегалница интензивно започнува од денес да го гради ростерот за новата сезона, откако изминатиот период се водеа интензивни преговори за нови засилувања.
Како што објави Спортска Мрежа откако Брегалница го претстави Мартин Стојанов како прво летно засилување, во тимот на „сините“ и во следната сезона останува Ристе Темелков, Бојан Рајков и капитенот Стефан Коцев.
Ова е исклучително важно за Брегалница бидејќи шампионатот започнува на 25 јули, а „сините“ интензивно работат на ангажман на нови засилувања.
Според ексклузивни информации до кои дојде Спортска Мрежа, Брегалница има договорено уште неколку засилувања, а во следните денови секојдневно ќе се објавува по едно засилување со што ќе биде познат ликот на Брегалница за предизвиците во Првата лига, откако минатата сезона штипјани станаа шампиони во Втора лига.
Инаку, 28-годишниот Темелков минатото лето пристигна во Брегалница и даде голем придонес „сините“ да дојдат до посакуваната цел – влез во Втора лига. Низ неговата кариера настапуваше и за Македонија ЃП, Тиквеш Брера Струмица, Хоризонт Турново, а меѓународна кариера градеше во Феризај од Косово.
Рајков зимава пристигна во матичниот клуб од Силекс, а беше дел од Вардар Форино и Кит Го од Пехчево.
Коцев кој ја носи капитенската лента на Брегалница, се врати од тетовска Шкендија во матичниот клуб минатата сезона, претходно беше дел од Силекс, а меѓународна кариера градеше во Косово, Грција и Казахстан.
Новата сезона Брегалница ја отвара против шампионот Вардар во гости.
