Освојувачот на Купот на Македонија, екипата на Силекс продолжува да се подготвува за реваншот со Динамо Минск, кој ќе се игра на 16 јули во Скопје.
На првиот меч од првото квалификациско коло на Конференциската лига на УЕФА екипата на Силекс со минимални 0:1 беше подобра од белорускиот тим, а кој меч се играше во Бугарија.
Пред Силекс сега е предизвик да се извлече нов позитивен резултат, со поддршка од верните „кратери“, поддршка од сите навивачите и симпатизери на клубот, но и од секој љубител на фудбалот да се стигне до резултат кој Силекс ќе го одведе до второто квалификациско коло.
Според информациите на Спортска Мрежа, Силекс до среда ќе биде во Кратово, каде ќе се подготвува, а во среда ќе замине за Скопје.
Натпреварот меѓу Силекс и Динамо Минск ќе се игра во четврток (16 јули) со почеток од 20 часот на тренинг центарот на ФФМ во Скопје.
