Прволигашот Арсими го претстави дефанзивниот играч за врска Матео Софијаноски како најново засилување.
Се работи за 21-годишен фудбалер кој доаѓа од редовите на Македонија ЃП, каде што ланската сезона во дресот на „лавовите“ запиша 34 натпревари во Првата лига, со да гола и две асистенции и три натпревари во Купот на Македонија.
„21-годишниот фудбалер имаше бројни понуди од домашни и странски клубови, но одлучи да му верува на жолто-црниот проект и да му се приклучи на нашиот тим, со што ќе претставува дополнителна сила во средниот ред“, велат од клубот од Чегране.
Кариерата ја започна во Вардар, од каде се пресели во Њу Старс, беше дел од Воска Спорт, Брегалница, Тетекс и Македонија ЃП.
