Повратникот во Втората македонска фудбалска лига, екипата на Еуромилк ГЛ продолжува со засилувања за новата сезона.
Клубот промовираше уште четири нови засилување, се работи за Марко Стојчески, Филип Смиљков, Филип Дамевски и Марио Маркулев.
Стојчески доаѓа од екипата на Тетекс и носи второлигашко искуство, се работи за 25-годишен фудбалер кој беше дел и од Вардар Неготино, Скопје, Каменица Саса, Академија Илинден, Охрид, Кадино, Македонија ЃП, Брера и Вардар од Каде и ја започна кариерата, а меѓународна кариера градеше во Телеоптик во Србија и Монтана од Бугарија.
Дамевски е 18-годишен фудбалер кој доаѓа од редовите на Вардар, а беше дел и од Скопје и Кожуф.
Смиљков е 19-годишен фудбалер кој доаѓа од академијата на Вардар, а пак Маркулев е 18-годишен фудбалер кој доаѓа исто така од скопски Вардар.
