Третолигашот БВК Коњаре продолжува да гради силен ростер со кој ќе атакува на пласман во Втората македонска фудбалска лига.
Ново име во тимот на Алиса Виши е Бурим Алиев, кој доаѓа од редовите на второлигашот Каменица Саса.
26-годишниот покрај за „рударите“ од Македонска Каменица настапуваше и за Шкендија Арачиново, Слога Виница, Борец, Кораб од Дебар, Работнички и Вардар од каде ја започна кариерата, а во странство настапуваше за Кутјево во Хрватска.
БВК Коњаре со серијата на квалитетни засилувања уште еднаш потврдува дека цели кон пласман во Втора лига, а до истиот ќе мора најпрво да стане шампион во Трета лига регион 1, а потоа и да го добие противникот во баражот.
