Амбициозниот третолигаш БВК Коњаре го промовираше Алиса Виши за нов тренер, кој ќе има за задача да обезбеди промоција во Втора лига.
Од клубот посочуваат дека пред новиот тренер е јасна мисија – да се изгради победнички тим, да се создаде шампионски менталитет и да се обезбеди пласман во Втората лига.
„Кога амбицијата е прво место, потребен е лидер кој знае да победува. Денес го претставуваме новиот тренер на нашата екипа, човекот кој ја презема одговорноста да го предводи нашиот тим во најважната сезона до сега. Пред него е јасна мисија – да изгради победнички тим, да создаде шампионски менталитет и да го одведе клубот таму каде што припаѓа – Втора лига“, велат од клубот.
41-годишниот стратег од Скопје го водеше Шкупи во Првата македонска фудбалска лига.
Екипата на БВК Коњаре гради сериозен тим за атак на првото место во Трета лига регион 1, целта е да се обезбеди шампионскиот пехар, а потоа преку бараж да се бра место за влез во Втора лига.
