Второлигашот Еуромилк го Горно Лисиче го претстави Филип Лазаревски како ново засилување меѓу стативите кој доаѓа од редовите на второлигашот Осогово од Кочани.
Лазаревски е повратник меѓу „лисиците“, бидејќи дресот на Еуромилк ГЛ го носеше во период од февруари до јуни 2017 година.
„Со неговото искуство, квалитет и победнички менталитет, веруваме дека ќе биде големо засилување за екипата во новите предизвици што нè очекуваат во Втората македонска фудбалска лига“, велат од клубот.
29-годишникот низ кариерата покрај за Осогово настапуваше и за Вардарски од Богданци, Слога од Виница, Кадино, Воска Спорт, Скопје, Работнички, Шкупи, Тетекс, Кораб, Илинден, Борец, Еуромилк ГЛ, Беласица и Металург од каде и ја започна кариерата.
