Третолигашот Ржаничино се засили со Метин Ќерими, откако клубот го претстави 23-годишникот како ново засилување.
Ќерими во пролетниот дел од минатата сезона настапуваше за Беласица, а претходно беше дел од екс второлигашите Вардар Неготино и Победа, беше дел од Шкендија Арачиново, Братство од Житоше, охридска Воска Спорт, Братство Влазними и Скопје.
Ќерими е играч од средниот ред и треба да биде вистинско освежување за Ржаничино.
Иако претходно Ќерими беше промовиран во БВК Коњаре, сепак, сега тој позираше во дресот на Ржаничино.
